ТЎҚҚИЗИНЧИ ИШОРА: Иймон ва муҳаббатуллоҳнинг натижаси, аҳли кашф ва таҳқиқнинг иттифоқи ила, дунёнинг минг йиллик масъудона ҳаёти бир соатига арзимайдиган жаннат ҳаёти... ва жаннат ҳаётининг ҳам минг йили бир соатлик жамолига боқишга арзимайдиган бир муқаддас, пок жамол ва камол соҳиби бўлмиш Зоти Зулжалолни мушоҳада ва кўришдирки,(Изоҳ) аниқ Ҳадисга кўра ва Қуръоннинг хабарига кўра собитдир.

Ҳазрати Сулаймон алайҳиссаломдек, муҳташам бир камоли ила машҳур бир зотни кўришга иштиёқли бир қизиқиш, Ҳазрати Юсуф алайҳиссаломдек бир жамол ила мумтоз бир зотни кўришга ташна бир иштиёқни ҳар ким виждонан ҳис этади. Ажабо, дунёнинг жамики гўзалликларидан ва камолотидан минглаб даража юксак бўлган жаннатнинг жамики гўзалликлари ва камолоти, жамоли ва камолининг бир жилваси бўлмиш бир Зотни кўриш нақадар марғуб, мароқли; шоҳиди бўлиш қанчалар матлуб ва иштиёқли эканини қиёслай олсанг, қиёслаб кўр...

(Изоҳ): Ҳадиснинг хабарига кўра: "Ул шуҳуд (кўриш) жаннат лаззатларининг барчасидан шунчалар устундирки, уларни унуттириб юборади. Ва шуҳуддан кейин аҳли шуҳуднинг ҳусни жамоли шу қадар зиёдалашадики, у ердан қайтганларида саройларидаги оилалари уларни зўрға, жуда диққат қилибгина таний оладилар," деган ривоят ҳадисда ворид бўлган.