Эй хасталик туфайли яхшиликлар қила олмаганидан шикоят этаётган хаста!

Шукр эт, хасталик сенга хайрли ишларнинг энг холисининг эшигини очди. Хасталик хастанинг ўзига ва Аллоҳ учун хастага қаровчиларга давомли савоб келтиришидан ташқари, дуонинг мақбулияти учун ҳам энг муҳим бир воситадир.

Ҳа, хасталарга боқишнинг аҳли иймон учун кўп савоби бор. Хасталарнинг ҳолини сўраш, фақат хастани қийнамаслик шарти ила, зиёрат қилиш суннати саниядир, каффоратуз-зунуб (яъни, гуноҳларга каффорат) бўлади. Ҳадисда борки: "Хасталарнинг дуосини олингиз, уларнинг дуоси мақбулдир."

Хусусан, хаста ўзининг қариндошидан бўлса, билхосса падар ва волида бўлса, уларга хизмат қилиш муҳим бир ибодатдир, муҳим бир савобдир. Хасталарнинг қалбини хушнуд этиш, тасалли бериш муҳим бир садақа ҳукмига ўтади.