Dustûra Sisêyan: Eger tu dixwazî buẍz û edawetê bikî, ev edaweta ku di qelbê tedaye ji wî buẍzê bike. Û ji bo kîn û edawetê ji qelbê xwe avêtina wî bixebite. Û hem edawetê bike bi nefsa xweya emmare û bi hewa-hewes nefsa xwe ku zirara wan zêdetir digehê te û ji bo îslaha wan bixebite, ji bo xatirê wî nefsa xweya muzir ji muminan buẍz û edawetê meke û eger tu dixwazî dujmintayî bikî, kafir û zendiq pirrin; ji wan buẍz û edawetê bike. Belê çawa ku sifetê muhebbet û hezkirinê, layiqê muhebbetêye, eynen wusa jî, xesleta edawetê beriya hertiştî ew bixwe layiqê edawetêye. Eger tu dixwazî xesmê xwe meẍlûb bikî, li hemberê xerabî û nebaşîya wî, tu bi qencî muqabele bike. Lewra ger tu jî bi xerabî muqabele bikî, ew çaẍ xusûmet û duşminî hîn zêde dibe. Eger zahiren meẍlûb bibe jî feqet qelben kîn û edawetê jê digre. Û dujminî dide dewamkirin. Eger bi qencî muqabele bikî, ewê nedamet (poşmanî) û peşîman bibe. Û ewê bibe dost ji bo te.

اِذَا اَنْتَ اَكْرَمْتَ الْكَرِيمَ مَلَكْتَهُ

وَاِنْ اَنْتَ اَكْرَمْتَ اللَّئِيمَ تَمَرَّدَا

"Weqta tu îkramê ji bo mirovê qenc bikî, tu wî dixî ber mulkê xwe. We eger tu îkramê bikî ji bo mirovê nebaş, tu ewî sehl û musexer bikî ji bo xwe bi hukmê vî şi'rê (helbest) mirovê mu'min îşî wî (şol), şe'nî wî gerek ehlê keremê be, cuwamêr be."

Lewra bi îkrama te, şexs musexxer dibe jibo te. Zahiren ew mirowê tu îkram jêre dikî leîm be (nebaşbe) jî, lakîn ji cîhetê îmanêde, kerîme; Belê ji mirovê nebaşre, tu başî, tu başî bête gotin, ew jî baş dibe. Û mirovê başre jî; tu nebaşî, tu nebaşî bête gotin, ew jî nebaş dibe; pir car wusan bûye. Madem wusane:

﴿وَاِذَا مَرُّوا بِاللَّغْوِ مَرُّوا كِرَاماً﴾

﴿وَاَنْ تَعْفُوا وَتَصْفَحُوا وَتَغْفِرُوا فَاِنَّ اللهَ غَفُورٌ رَحِيمٌ﴾

Tu guhdarbe li dustûrê Qur'anî-yê Qudsî wuha; ku seadet û selamet di wîdane.