سوزلر | لمعات | 947
(925-1019)
محرّك و منبعى ايكى كلمه‌در تك.. ياخود ايكى كلامدر. برنجيسى شودر كه: ”بن طوق اولسه‌م، باشقه‌لر

آجندن ئولسه نه‌مه لازم!..“ ايكنجيسى: ”راحتم ايچون زحمت چك؛ سن چاليش، بن ييه‌يم. بندن يمك، سندن أمكلر!“

برنجى كلمه‌ده اولان سمِّ قاتلى، هم كوكنى كسه‌جك، شافى دوا اولاجق تك بر دواسى واردر.

او ده زكاتِ شرعى كه، بر ركنِ إسلامدر. ايكنجى كلمه‌ده، زقّوم شجر مندرج. اونڭ عِرقنى كسه‌جك، ربانڭ حرمتيدر.

بشر صلاح ايسترسه، حياتنى سَورسه؛ زكاتى وضع ايتملى، ربايى قالديرملى.


بشر حياتنى ايسترسه، أنواعِ ربايى ئولديرملى

طبقۀِ خواصدن طبقۀِ عوامه صلۀِ رحم قوپمشدر. آشاغيدن فيرلييور

صداىِ إختلالى، واويلاىِ إنتقامى، كين و حسد أنينى... يوقاريدن اينييور

ظلم و تحقير آتشى، تكبّرڭ ثقلتى، تحكّم صاعقه‌سى... آشاغيدن چيقمالى

تحبّب و إطاعت، حرمت و هم إمتثال. فقط مرحمت و إحسان يوقاريدن اينملى،

هم شفقت و تربيه... بشر بونى ايسترسه صاريلمالى زكاته، ربايى طرد ايتملى.

قرآنڭ عدالتى بابِ عالمده طوروب ربايه دير: ”ياساقدر! حقّڭ يوقدر، دونملى!“

ديڭله‌مدى بو أمرى، بشر يدى بر سيلله. (❊) مدهشنى ييمه‌دن بو أمرى ديڭله‌ملى.

سس يوق

سوزلر