Хәдисе-шәрифтә әйтелгән: "Ахырзаманда киләчәк Суфиян һәм Дәҗҗал кебек куркыныч кешеләр фетнә-нең башында булачаклар. Исламның вә мөселман кешеләрнең аерым-аерым булуларыннан, берләш-мәгәнлекләреннән файдаланып, мөселманнарны аз көч белән җиңәчәкләр, зур Ислам галәмен үз әсир-леге астына алачаклар".

Әй, иман әһелләре! Түбәнлек эчендә әсир булырга теләмәсәгез, акылыгызны башыгызга алыгыз. Сез-нең үзара дәгъва һәм берләшмәвегездән файдаоанып, сезне бетерергә тырышкан дошманнарыгызга, залимнәргә каршы

 اِنَّمَا اْلمُؤْمِنُونَ اِخْوَةٌ

"Мөэминнәрнең барысы да кардәштер" дигән аятьнең кальгасы (ны-гытмасы) эченә керегез, шуңа сыеныгыз. Башкача хәятыгызны һәм хокукыгызны саклый алмассыз.

Һәм белегез: ике каһарман егет бер-берсе белән сугышкан вакытта, бер бала икесен дә кыйный ала. Һәм бер үлчәүдә ике тау тигез булса, бер кечкенә таш, үлчәү тигезлеген бозып, берсен югары, икенче-сен түбән төшерә ала.

Әй, иман әһелләре! Мөэминнәр, шушы мисалдагы шикелле бер-берсе белән сугышса, аз куәтле дошман-нарына да җиңелерләр. Иҗтимагый тормышыгыз-ны төзәтергә теләсәгез, шул хәдисе-шәрифтәге кагыйдәне үзегезгә юл күрсәтүче итегез.

اَلْمُؤْمِنُ لِلْمُؤْمِنِ كَالْبُنْيَانِ الْمَرْصُوصِ يَشُدُّ بَعْضُهُ بَعْضًا

"Бер мөэмин икенче мөэмингә цементланган би-наларның ташлары кебек нык берегергә тиеш".