БАРЛАДАГЫ ТОРМЫШЫ

(1926-1934)

 Коръән тәфсире "Рисаләи Нур"ның язылуы.

Миллионнарча мөселманнарның имансызлыгы күбәеп, һәр җиргә таралган бер вакытта, Барла авы-лында сөргендә булган Саид Нурси мөселманнарның иманнарын коткаруга ярдәм итәчәк Коръән тәфси-рен язды. Барла өч ягы таулар, бер ягы диңгез белән уратылган, шәһәрләрдән ерак, юлсыз бер авыл иде. Бу галим затны монда җибәрүләренең сәбәбе аны дини хезмәттән читләштереп, эчендә кайнаган иман гыйшкын сүндереп, иман юлында хезмәт итүдән тыю иде. Әмма бу мөҗаһид галим, бер секундын да буш-ка уздырмыйча тырышып, мөселман төрек милләте-нең иманнарын төзәтү өчен бөтен көчен куйды. Коръән һәм иман хакыйкатьләреннән дәрес бирүче "Рисаләи нур" тәфсирләрен язып, Аллаһның әмерлә-ренә рөхсәт бирелмәгән чакта, яшерен рәвештә шәкертләренә яздырып, Төркиянең кайбер шәһәрләренә җибәрде. Шулай итеп, том-том китап-лар кулдан язылды, күбәйтелде.

Ул елларда Төркиядә динсезлек комитетлары та-рафыннан динсезлек орлыклары яшерен рәвештә таратыла башлаган иде. Алар 30-40 елдан соң киләчәк буын кешеләре үз теләкләре белән Коръән әмерлә-ренә буйсынмасын өчен төрле планнар кордылар. Бу елларда дин кешеләренең сүзләре үтмәде. Дини мәктәп-мәдрәсәләр ябылды, бикләнде. Хәтта кайсы-бер зур дин галимнәре гаепсез көе үтерелде. Киләчәктә үсәчәк балаларның үткән тарих һәм мәдәният белән бәйләнеше булмасын өчен, гарәп һәм госманлы алфавитлары урынына латин алфавиты кертелде. Шуңа күрә хәзерге балаларыбыз үз тарихыбыздагы олуг галимнәрне һәм аталарны аз беләләр.