Һәм әлбәттә, дөньяның тәме, ләззәте дәвам итми. Бигрәк тә хәләл булмаса.. һәм дәвамсыз, һәм кайгылы, һәм гөнаһлы була. Хасталык сәбәбе белән ул тәмне югалтудан елама, киресенчә, хасталыктагы мәгънәви гыйбадәт һәм ахирәт савабы тарафын төшен; тәм табарга тырыш.

     ҖИДЕНЧЕ ДӘВА: Әй, сихәтлегенең ләззәтен югалткан хаста! Синең хасталыгың сихәтлектәге нигъмәт-е Иләһиянең ләззәтен ка­чырмый, киресенчә, таттыра, күбәйтә. Чөнки берәр нәрсә дәвам итсә, тәэсирен югалта. Хәтта хакыйкать әһелләре бердәм рәвештә әйтәләр ки:  

ягъни: "Һәр нәрсә капма-каршысы белән беленер". Мәсәлән, караңгылык булмаса - яктылык беленмәс, ләззәтсез калыр. Суык булмаса - эсселек аңла­шылмас, зәвыксыз калыр. Ачлык бул­маса - ризык ләззәт бирмәс. Тамак кибү булмаса - су эчү зәвык бирмәс. Авыру булмаса - исәнлек зәвыксыздыр. Чир булмаса - терелү ләззәтсездер. Фатыр-ы Хәким  кешегә һәр төр бүләген тойдырырга һәм һәрбер төр нигъмәтен таттырырга һәм кешене даими шөкергә юнәлтергә теләвен, шушы галәмдә төрледән-төрле чиксез нигъмәт төрләрен тоемлап караячак, таныячак дәрәҗәдә гаять күп җиһазлар белән кешене җиһазландыруы күрсәтеп тора ки; әлбәттә, сихәтлек һәм сәламәтлек биргәне кебек, хасталыкларны, чирләр­не, кайгыларны да бирәчәктер. Синнән сорыйм: “Бу хасталык си­нең башыңда яки кулыңда яки ашказаныңда булмаса иде, син башың, ку­лың, ашказаның сихәтлегендәге ләз­зәтле, зәвыклы нигъмәт-е Илаһияне хис итеп, шөкер итәр идеңме? Әлбәттә, шөкер итү түгел, бәлки уйламас та идең; акылсыз ул сихәтлекне гафләткә бәлки гөнаһлы эшләргә сарыф итәр идең.