Ҳам, яна эй бадбахт аҳли залолат ва аҳли ғафлат! "Ғайри машруъ бир муҳаббатнинг натижаси шафқатсиз азоб чекмакдир" қоидасининг сиррига кўра, сиз фитратингиздаги Жаноби Ҳақнинг зот ва сифот ва асмосига сарф этилиши лозим бўлган муҳаббат ва маърифат истеъдодини ва шукр ва ибодат жиҳозотини нафсингизга ва дунёга ғайри машруъ бир суратда сарф қилганингиздан, билистиҳқоқ, жазосини чекаётирсиз. Чунки Жаноби Ҳаққа оид муҳаббатни нафсингизга бердингиз. Маҳбубингиз бўлмиш нафсингизнинг ҳадсиз балосини чекаётирсиз. Чунки ҳақиқий бир роҳатни у маҳбубингизга бермаётирсиз, ҳам, уни ҳақиқий маҳбуб бўлган Қодийри Мутлақга таваккул ила таслим этмаётирсиз. Доимо алам чекаётирсиз. Ҳам, Жаноби Ҳақнинг асмо ва сифотига оид муҳаббатни дунёга бердингиз ва осори санъатини оламнинг сабабларига тақсим этдингиз, энди балосини чекаётирсиз. Чунки у сон-саноқсиз маҳбубларингизнинг бир қисми хайрмаъзурни насия қилиб, сизга орқа ўгириб, ташлаб кетади. Бир қисми сизни ҳеч танимайдти. Таниса ҳам, сизни севмайди. Севса ҳам, сизга бир фойда бермайди. Доимо ҳадсиз фироқ-айрилиқлардан ва умидсиз, қайтмас заюллардан азоб чекаётир.