سوزلر | اون يدنجى سوز | 300
(266-300)
طوباءِ خلقتدن سماوات شقّنه، هپ كهكشان أغصاننه

بر جميلِ ذو الجلالڭ، دستِ حكمتله طاقيلمش پك گوزل ميوه‌لرى‌يز بز.

شو سماوات أهلنه برر مسجدِ سيّار، برر خانۀِ دوّار، برر علوى آشيانه،

برر مصباحِ نوّار، برر گمىِ’ جبّار، برر طيّاره‌لرز بز.

بر قديرِ ذو الكمالڭ، بر حكيمِ ذو الجلالڭ برر معجزۀِ قدرت، برر خارقۀِ

صنعتِ خالقانه؛

برر نادرۀِ حكمت، برر داهيۀِ خلقت، برر نور عالمى‌يز بز.

بويله يوز بيڭ ديل ايله يوز بيڭ برهان گوستريرز، ايشيتديريرز إنسان اولان

إنسانه.

كور اولاسى دينسز گوزى، گورمز اولدى يوزيمزى، هم ايشيتمز سوزيمزى،

حق سويله‌ين آيتلرز بز.

سكّه‌مز بر، طرّه‌مز بر، ربّمزه مسخّرز. مسبّحز، ذكر ايدرز عبيدانه.

كهكشانڭ حلقۀِ كبراسنه منسوب برر مجذوبلرز بز.“

ديديكلرينى خيالاً ديڭله‌دم.

سس يوق

سوزلر