سوزلر | لمعات | 1004
(925-1019)
حالبوكه أڭ عاديدن أڭ عالى، أڭ كوچكدن أڭ بيوگه قدر هيچ بر وقتده نظر فطور، قصور گورمدى.
هر شيده إتقانى، هر شأنده إهتمام درجۀِ كمالده. هر ماهيت قامتى نسبتنده بيچيلمش گيديرمشدر موجدى
ديمك مؤثّرِ حقيقى اولان ذاتِ واجبدن تأثيرى نقطه‌سنده دينلمز بعض قريب، بر قسمى ده بعيد ويا أبعددى.
إتقان قطعًا گوسترر؛ بر قسمى واسطه‌سز، قسمًا واسطه ايله، قسمًا وسائطيله اولمامشدر ايجادى.
إنسانده إختيار وار، زيرا أثرنده نقصان وار. إتقانسزلق گوسترر، جبر يوق إختيار وار. او تكليفڭ عمادى،
بشرڭ إختيارى، بر واسطه‌در فقط إعتبارى أشياده، نسبى اولان شئونده. وحدت رضا گوستردى، حكمت بويله ايسته‌دى.
شايانِ تماشادر: جزئى بر إختيارڭ توسّط ايتمه‌سيله عقل و ذكا أثرى اولان بر إنسان شهرى ايچنده‌كى أفرادى
جماعت إنتظامجه گريدر؛ هيچ بر وقت يتيشمدى، يتيشمز، وحى و إلهام ثمرى بر آرى قواننه، اونده‌كى جمعيته هم اونلرڭ أفرادى
هم آريلر مشهرِ صنعتلرى بر پيتك حجيرات شهرى اولان بر نار و جلناردن إنتظامجه گريدر، سبب ده إختياردى.
ديمك جاذبۀِ عمومى هانگى قلم يازمشدر، جواهرِ فرده ده كوچوجك جاذبه‌لر او قلمدن طاملاندى، ذرّه‌لره سرپيلدى.
سس يوق

سوزلر