سوزلر | لمعات | 1015
(925-1019)
{وَ اَحَلَّ اﷲُ الْبَيْعَ وَ حَرَّمَ الرِّبٰوا ❊ وَ اَقِيمُوا الصَّلٰوةَ وَ اٰتُوا الزَّكٰوةَ}
دير دردنجيسنده:
”إختلالِ بشره نه نظرله باقييور؟“ ديرم: سعى، أصل أساسدر. ثروتِ إنسانيه، ظالملرده طوپلانماز، صاقلانماز أللرنده.
بوڭا دائر شاهدم: {لَيْسَ ِلْلاِنْسَانِ اِلاَّ مَا سَعٰى ❊ وَ الَّذِينَ يَكْنِزُونَ الذَّهَبَ وَ الْفِضَّةَ وَلاَ يُنْفِقُونَهَا فِى سَبِيلِ اﷲِ فَبَشِّرْهُمْ بِعَذَابٍ اَلِيمٍ}
(يوز ما شاء اﷲ بو جوابه.)

جاذبۀِ عموميدن زياده كره‌مزى محافظه ايدن
جاذبۀِ معنوئِ قرآندر.
أرضمزى سنوى، يومى دائره‌سنده شو خيطِ سماويدر طوتمش ده دونديرييور. كره‌يه آغير باصمش، هم دخى اوڭا بينمش، بيراقمييور عصيانى.
شريعت عرشدن ايندى، بشردن ده چيقاردى نورانى بر عبادت. عبادتدن بش نماز، باشلرنده أذانلر، نماز ايله أذانى
دانه دانه اولمشدر، بربرينه متّصل، هم عالمِ غيب ايله، هم ده عرشِ أعظمله، إنسان ايله زمينى باغلاتمش ده طوتديرمش او بش خيطِ نورانى.
باشى أوقاتِ خمسه، نهايتى عرش و غيب. عين زمانده اولمش رابطۀِ إتّصال. شهادتى غيب ايله، زمين ايله إنسانى، إنسانله آسمانى.
بو بشلر، بو كره‌يه بش كمر هم تك كمر، هم آيرى هم متّصل، هم كمر ده هم گوملك، ايكى قطبى ايكى أل، عريان يوقدر سكّانى.
سس يوق

سوزلر