سوزلر | لمعات | 1016
(925-1019)
بر آنِ واحدده بشى بردر برابر، ضياءِ شمسه بڭزر، هم ده آيرى آيريلر قوسِ قُزَحْ مثالى او نورانى ألوانى.
بر نقطۀِ واحده‌ده هم عرش ايله باغلانير، هم كره‌يى باغلايور، حيات ويرر دونديرر. گر گوملگى ييرتيلسه كُرۀِ سرگردانى
ويا ايپى بر قوپسه، سير أيله‌ گومبورتى‌يى. (*) ظلمت صاووغى باصار، او ده إنجماد ايدر. او وقت موتى گلييور، قيامتى قوپويور، دهّاش زلزلۀِ جهانى.
(يوز بيڭ بارك اﷲ بو جاذبه‌يه.)
وَلَقَدْ كَرَّمْنَا بَنِى اٰدَمَ
برى ديدى: نه‌دندر حملِ أمانت اولان مرتبۀِ عظيمه، يالڭز إنسان اوغلى اونڭله تكريم ايديلمش، اونڭله خليفه اولمش؟
ديرم: زيرا او أوْسَطْ، خَيْرُ اْلاُمُورِ اْلاَوْسَطُ . كائناتڭ وجودى، بر شكلِ مخروطيدر، سيورى اوجنده جزءِ لايتجزّا طورمش.
جسيم قاعده‌سنده شمس الشموسه قدر نورانى بر قطرى وار. تام قطرڭ اورته‌سنده إنسان آياقده طورمش، أمانتى بكلرمش.
إنساندن تا ذرّه‌يه، هم اوندن تا او شمسه اولان ايكى مسافه بربرينه مساوى، قلادۀِ خلقتده بر جوهرِ فريدمش.
زيرا او جوهرِ يگانه محمّد الهاشمى (ع‌س‌م) اولان درِّ يتيمه بر صدفِ لطيفدر. إنسان أنموذجِ جامعدر. غيب و شهادت طوتمش،

-----------------------------------------------

*

أوت يالڭز عربى أذان هم يالڭز بر مملكتده قوپماسيله دهشتلى بر زلزله و دهشتلى بر حرب ايله اويله بر گومبورتى قوپاردى، زمينڭ باشنى سرسم أيلدى.
سس يوق

سوزلر