مكتوبات | اون طوقوزنجى مكتوب | 256
(128-315)

هم رسولِ أكرم عليه الصلاة والسلام قُريشه ديمش كه: ”يولده گيدركن سزڭ بر قافله‌ڭزى گوردم، قافله‌ڭز يارين فلان وقتده گله‌جك. صوڭره او وقت، قافله‌يه منتظر قالديلر. قافله بر ساعت تأخّر ايتمش. رسولِ أكرم عليه الصلاة والسلامڭ إخبارى طوغرى چيقمق ايچون، أهلِ تحقيقڭ تصديقيله، گونش بر ساعت توقّف ايتمش. يعنى أرض، اونڭ سوزينى طوغرى چيقارمق ايچون وظيفه‌سنى، سياحتنى بر ساعت تعطيل ايتمشدر و او تعطيلى، گونشڭ سكونتيله گوسترمشدر.


ايشته محمّدِ عربى عليه الصلاة والسلامڭ بر تك سوزينڭ تصديقى ايچون قوجه أرض وظيفه‌سنى ترك ايدر، قوجه گونش شاهد اولور. بويله بر ذاتى تصديق ايتمه‌ين و أمرينى طوتميانڭ نه درجه بدبخت اولديغنى و اونى تصديق ايدوب أمرينه {سَمِعْنَا وَ اَطَعْنَا} ديينلرڭ نه قدر بختيار اولدقلرينى آڭلا، ”الحمد ِﷲِ على الايمان و الإسلام“ دى.


اون سكزنجى إشارت: رسولِ أكرم عليه الصلاة والسلامڭ أڭ بيوك و أبدى و يوزر دلائلِ نبوّتى جامع و قرق وجهله إعجازى إثبات ايديلمش بر معجزه‌سى دخى، قرآنِ حكيمدر. ايشته شو معجزۀِ أكبرڭ بياننه دائر يگرمى بشنجى سوز تقريبًا يوز أللى صحيفه‌ده، قرق وجهِ إعجازينى إجمالاً بيان و إثبات ايتمشدر. اويله ايسه، شو مخزنِ معجزات اولان معجزۀِ أعظمى او سوزه حواله ايده‌رك، يالڭز ايكى اوچ نكته‌يى بيان ايده‌جگز:


سس يوق

مكتوبات