مكتوبات | يگرمى طوقوزنجى مكتوب | 592
(560-665)

صوڭره معظّم بر پرده داها آچيلدى، عالمِ أرض گوروندى. فلسفه‌نڭ قراڭلقلى قوانينِ علميه‌لرى، خياله دهشتلى بر عالم گوستردى. يتمش دفعه طوپ گلّه‌سندن داها سرعتلى بر حركتله، يگرمى بش بيڭ سنه مسافه‌يى بر سنه‌ده دور ايدن و هر وقت طاغيلمغه و پارچه‌لانمغه مستعد و ايچى زلزله‌لى، إختيار و چوق ياشلى كُرۀِ أرض ايچنده، عالمڭ حدسز فضاسنده سياحت ايدن بيچاره نوعِ إنسان وضعيتى، بڭا وحشتلى بر قراڭلق ايچنده گوروندى. باشم دوندى، گوزم قراردى. بردن خالقِ أرض و سماواتڭ قدير، عليم، ربّ، اﷲ و ربّ السمواتِ والارض و مسخّر الشمس و القمر إسملرى؛ رحمت، عظمت، ربوبيت برجنده طلوع ايتديلر. او عالمى اويله نورلانديرديلر كه؛ او حالتده بڭا كُرۀِ أرض غايت منتظم، مسخّر، مكمّل، خوش، أمنيتلى بر سياحت گميسى تنزّه و كيف و تجارت ايچون مهيّا ايديلمش بر شكلده گوردم.


سس يوق

مكتوبات