استادِ أكرمم! بو دفعه رسالۀِ شريفه‌لر بر پارچه تأخيره اوغرادى. بونى، فقيرڭ عطالت، بطالت و كسالتنه حمل بيورمايڭز. شكايت دگل مفتخرانه عرض ايدييورم. بو سنه جنابِ حقّڭ فقيره لطف و إحسان و كرمى چوق اولدى. لَهُ الْحَمْدُ وَ الْمِنَّة يوز بيڭلرجه متشكّرم. رمضان بايرامندن بَرى ايكى دفعه‌در خسته‌لغم كه، الآن نقاهت دورنده‌يم؛ رسالۀِ نورِ شريفه‌لرڭ إستنساخنه اولدقجه بر فاصله ويرمش اولدى. چوق شكر الحمد ِﷲ بو خسته‌لقلر بر إنعامِ إلٰهيدر. دعاىِ استادانه‌لريله صحّتم يرينه گلمكده‌در.

بو قدر عظيم إحسانڭز، بنى سَوْگيلى استاديمزڭ نزدنده طلبه‌لرڭ أڭ صوڭنجيسى اولمق شرفنى قزانديرديغنى تخطّر ايتديردكجه، جنابِ واجب الوجود حضرتلرينه گيجه و گوندوز دعا ايدييورم. و بعض وقتلرده باشم سجده‌ده اولديغى حالده، متماديًا آغلايورم. گناهمڭ عظمتى، جُرممڭ حدسزلگى، بنى تيتره‌تيركن سَوْگيلى استاديمڭ دعاسى، جنابِ حقّڭ رحمتى، بنى تسلّى ايدييور