سوزلر | اون اوچنجى سوز | 206
(182-215)

ثانيًا: مادام رسالۀِ النور، بو معجزۀِ كبرانڭ ألنده بر ألماس قيلنج حكمنده خدمتنى گوسترمش و معنّد دشمنلرينى تسليمه مجبور ايتمش. هم قلبى، هم روحى، هم حسّياتى تام تنوير ايده‌جك و علاجلرينى ويره‌جك بر طرزده خزينۀِ قرآنيه‌نڭ دلاّللغنى ياپان و اوندن باشقه مأخذى و مرجعى اولميان و بر معجزۀِ معنويه‌سى بولونان رسالۀِ النور او وظيفه‌يى تام ياپييور و عليهنده‌كى دهشتلى پروپاغنده‌لره و غايت معنّد زنديقلره تام غلبه چالمش و ضلالتڭ أڭ سرت قوّتلى قلعه‌سى اولان طبيعتى، طبيعت رساله‌سيله پارچه پارچه ايتمش و غفلتڭ أڭ قالين و بوغوجى و گنيش دائرۀِ آفاقنده و فنّڭ أڭ گنيش پرده‌لرنده عصاىِ موسى‌ده‌كى ميوه‌نڭ آلتنجى مسئله‌سى و برنجى، ايكنجى، اوچنجى، سكزنجى حجّتلريله غايت پارلاق بر طرزده غفلتى طاغيتوب، نورِ توحيدى گوسترمش.


سس يوق

سوزلر