سوزلر | اوتوز ايكنجى سوز | 788
(788-871)
اوتوز ايكنجى سوز

شو سوز اوچ موقفدر.

(يگرمى ايكنجى سوزڭ سكزنجى لمعه‌سنى ايضاح ايدن بر ذيلدر. موجوداتِ عالم، وحدانيته شهادت ايتدكلرى أللى بش لساندن (كه قطره رساله‌سنده اونلره إشارت ايديلمش) برنجى لساننه بر تفسيردر. و {لَوْ كَانَ فِيهِمَا اٰلِهَةٌ اِلاَّ اﷲُ لَفَسَدَتَا} آيتنڭ پك چوق حقائقندن، تمثيل لباسى گيديرلمش بر حقيقتدر.)


برنجى موقف

بِسْمِ اﷲِ الرَّحْمٰنِ الرَّحِيمِ

لَوْ كَانَ فِيهِمَا اٰلِهَةٌ اِلاَّ اﷲُ لَفَسَدَتَا

لاَ اِلٰهَ اِلاَّ اﷲُ وَحْدَهُ لاَ شَرِيكَ لَهُ لَهُ الْمُلْكُ وَ لَهُ الْحَمْدُ يُحْيِى وَ يُمِيتُ وَ هُوَ حَىٌّ لاَ يَمُوتُ بِيَدِهِ الْخَيْرُ وَ هُوَ عَلٰى كُلِّ شَيْءٍ قَدِيرٌ وَ اِلَيْهِ الْمَصِيرُ

بر رمضان گيجه‌سنده، شو كلامِ توحيدينڭ اون بر جمله‌سنڭ هر برنده برر توحيد مرتبه‌سى و برر مژده بولونديغنى و او مرتبه‌لردن يالڭز {لاَ شَرِيكَ لَهُ} ده‌كى معنايى، بسيط عوامڭ فهمنه گله‌جك بر محاورۀِ تمثيليه و بر مناظرۀِ فرضيه طرزنده و لسانِ حالى، لسانِ قال صورتنده سويله‌مشدم. بڭا خدمت ايدن قيمتدار قارداشلريمڭ و مسجد آرقداشلريمڭ آرزولرى و ايسته‌ملرى اوزرينه او محاوره‌يى يازييورم. شويله كه:


سس يوق

سوزلر