سوزلر | اوتوز ايكنجى سوز | 806
(788-871)

ديڭله ده ييلديزلرى، شو خطبۀِ شيريننه،


نامۀِ نورينِ حكمت، باق نه تقرير أيله‌مش.


هپ برابر نطقه گلمش، حق لسانيله ديرلر:


بر قديرِ ذو الجلالڭ حشمتِ سلطاننه


برر برهانِ نورأفشانز وجوبِ صانعه، هم وحدته، هم قدرته شاهدلرز بز.


شو زمينڭ يوزينى يالديزلايان نازنين معجزاتى چون مَلك سيراننه


بو سمانڭ أرضه باقان، جنّته دقّت ايدن، بيڭلر مدقّق گوزلرز بز.


طوباىِ خلقتدن سماوات شقّنه، هپ كهكشان أغصاننه


بر جميلِ ذو الجلالڭ دستِ حكمتيله طاقيلمش، بيڭلر گوزل ميوه‌لرز بز.


شو سماوات أهلنه برر مسجدِ سيّار، برر خانۀِ دوّار، برر علوى آشيانه،


برر مصباحِ نوّار، برر گمىِ’ جبّار، برر طيّاره‌يز بز.


بر قديرِ ذو الكمالڭ، بر حكيمِ ذو الجلالڭ، برر معجزۀِ قدرت، برر خارقۀِ صنعتِ خالقانه،


برر نادرۀِ حكمت، برر داهيۀِ خلقت، برر نور عالمى‌يز بز.


بويله يوز بيڭ ديل ايله، يوز بيڭ برهان گوستريرز، ايشيتديريرز إنسان اولان إنسانه،


كور اولاسى دينسز گوزى، گورمز اولدى يوزيمزى. هم ايشيتمز سوزيمزى. حق سويله‌ين آيتلرز بز.


سكّه‌مز بر، طرّه‌مز بر، ربّمزه مسخّرز، مسبّحز عبيدانه


ذكر ايدرز، كهكشانڭ حلقۀِ كبراسنه منسوب برر مجذوبلرز بز...

سس يوق

سوزلر