سوزلر | لمعات | 938
(925-1019)
حيات بر چشيد تجلّئِ وحدتدر

حيات بر نورِ وحدتدر. شو كثرتده ايدر توحيد تجلّى. أوت، بر جلوۀِ وحدت ايدر كثرتلرى توحيد و يكتا.

حيات بر شيئى هر شيئه ايدر مالك. حياتسز شى، اوڭا نسبت عدمدر جمله أشيا.

روح، وجودِ خارجى گيديرلمش بر قانوندر

روح بر نورانى قانوندر، وجودِ خارجى گيمش بر ناموسدر؛ شعورى باشنه طاقمش.

بو موجود روح، شو معقول قانونه اولمش ايكى قارداش، ايكى يولداش.

ثابت و هم دائم فطرى قانونلر گبى، روح دخى هم عالمِ أمر، هم إراده وصفندن گلير.

قدرت وجودِ حسّى گيديرر، شعورى باشنه طاقار، بر سيّالۀِ لطيفه‌يى او جوهره صدف ايدر.

أگر أنواعده‌كى قانونلره قدرتِ خالق وجودِ خارجى گيديررسه، هر برى بر روح اولور.

گر وجودى روح چيقارسه، باشندن شعورى اينديررسه، ينه لا يموت قانون اولور.

سس يوق

سوزلر