سوزلر | لمعات | 960
(925-1019)

سياست، أفكارڭ عالمنده بر شيطاندر؛ إستعاذه ايديلمه‌لى!


سياستِ مدنى، أكثرڭ راحتنه فدا ايدر أقلّى. بلكه أقلِّ ظالم، كندينه قربان ايدر أكثرينِ عوامى.


عدالتِ قرآنى؛ تك معصومڭ حياتى، قانى هدر گوره‌مز، اونى فدا ايده‌مز دگل أكثريته، حتّى نوعڭ عمومى...


آيتِ {مَنْ قَتَلَ نَفْسًا بِغَيْرِ نَفْسٍ} ايكى سرِّ عظيمى وضع ايدييور نظره. برى: محضِ عدالت. بو دستورِ عظيمى


كه فرد ايله جماعت، شخص ايله نوعِ بشر، قدرت ناصل بر گورور؛ عدالتِ إلٰهى، ايكيسنه بر باقار. بر سنّتِ دائمى.


شخصِ واحد، حقّنى كندى فدا ايدييور. لٰكن فدا ايديلمز، حتّى عموم إنسانه. اونڭ إبطالِ حقّى، هم إراقۀِ دمى،


هم زوالِ عصمتى: إبطالِ حقِّ نوعڭ هم عصمتِ بشرڭ مِثليدر، هم نظيرى. ايكنجى سرّى بودر: خودگامى بر آدمى


حرص و هوس يولنده بر معصومى ئولديرسه، أگر ألندن گلسه، هوسنه مانع ايسه خراب ايدر دنيايى، إمحا ايدر بنى آدمى.


سس يوق

سوزلر