سوزلر | لمعات | 999
(925-1019)
قصّۀِ موسى‌نڭ تكرارندن چيقان لمعاتِ إعجاز
اِنَّ قِصَّةَ مُوسٰى اَجْدٰى مِنْ تَفَارِيقِ الْعَصَا اَخَذَهَا الْقُرْاٰنُ بِيَدِهِ الْبَيْضَاءِ فَخَرَّتْ سَحَرَةُ الْبَيَانِ سَاجِدِينَ لِبَلاَغَتِهِ الزَّهْرَاءِ
شو قصّه قرآنده تكرارًا ذكر اولونور. زيرا عظيم بر قيمتى وار. حقيقتى بيوكدر. چوق أسراره مالكدر. تأسيسِ إسلاميت، هم تبليغِ رسالت،
تحمّلِ مشقّت، هم ده تلقينِ اُمّت، تلقّئِ ملّتده بر اُسوۀِ حسنه، هم بر مثالِ أنسب او قصّۀِ موسى‌در. أساساتِ رسالت،
دساتيرِ مهمّه، او قصّه ضمننده‌در. وجوهنده تنوّع، جهاتى ده كثيره. ايكنجى درجه‌ده تبعيه بر جهت
حياتڭ ماضى‌يه، مستقبله اوزانمش درين هم پك ده گنيش إجتماعى حياتڭ دساتيرى جامعدر. ضيا غدا گبيدر إحتياجِ حقيقت.
دستور تكرّر ايتسه، درس ده تكرّر ايدر. ايكنجى درجه‌ده بيڭلر دستورلرندن بر قاچ دانه نمونه: مثلا فرعونه خطابًا شو جملۀِ عظمت،
مثلا: {فَالْيَوْمَ نُنَجِّيكَ بِبَدَنِكَ}
شو فراعينِ مصرينڭ موميالرله أمواتڭ أجسادينى ماضيدن مستقبله نقل ايدن غريب بر دستورِ موت‌آلودِ حياتى إخطارله ويرر دهشت.
حتّى فرعونِ موسى بدنى ده ناجيدر، سَيْلِ زمان آتمشدر موميا تخته اوستنده شو عصرڭ ساحلنه. عتيق بر يادگارِ عبرت.
مثلا: {يَا هَامَانُ ابْنِ لِى صَرْحًا}
شو كلام بزه دييور: او طاغسز، دوز قطعه‌نڭ طاغى سلاطيننده أهراملرڭ إنشاسى آرزوىِ غريبى بر ميلانِ حشمت،
سس يوق

سوزلر