سوزلر | اون بشنجى سوز | 251
(233-254)

هم محمّد عليه الصلاة والسلام، يا رسول اﷲدر و بتون رسوللرڭ أكملى و بتون مخلوقاتڭ أفضليدر وياخود (حاشا يوز بيڭ دفعه حاشا) اللّٰهه إفترا ايتديگى و اللّٰهى بيلمديگى و عذابنه اينانمديغى ايچون إعتقادسز، أسفلِ سافلينه سقوط ايتمش بر بشر فرض ايتمك (حاشيه) لازم گلير كه: بو ايسه أى إبليس، نه سن و نه ده گوونديگڭ آوروپا فيلسوفلرى و آسيا منافقلرى بونى دييه‌مزسڭز و دييه‌مه‌مشسڭز و دييه‌ميه‌جكسڭز و ديمه‌مشسڭز و ديميه‌جكسڭز. چونكه بو شقّى ديڭله‌يه‌جك و قبول ايده‌جك دنياده يوقدر. اونڭ ايچوندر كه، گوونديگڭ او فيلسوفلرڭ أڭ مفسدلرى و او آسيا منافقلرينڭ أڭ وجدانسزلرى دخى دييورلر كه: ”محمّدِ عربى (ع‌ص‌م) چوق عقللى ايدى. چوق گوزل أخلاقلى ايدى.“ مادام شو مسئله ايكى شقّه منحصردر و مادام ايكنجى شق محالدر و هيچ بر كيمسه بوڭا صاحب چيقمييور و مادام قطعى حجّتلرله إثبات ايتدك كه، اورته‌سى يوقدر. ألبته بِالضروره سنڭ و حزب الشيطانڭ رغمنه اولارق بِالبداهه و بِحقّ اليقين، محمّدِ عربى عليه الصلاة والسلام رسول اﷲدر و بتون رسوللرڭ أكمليدر، بتون مخلوقاتڭ أفضليدر.

عَلَيْهِ الصَّلاَةُ وَ السَّلاَمُ بِعَدَدِ الْمَلَكِ وَ اْلاِنْسِ وَ الْجَانِّ

----------------------------------------------------

         (حاشيه : قرآنِ حكيم، كافرلرڭ كفرياتلرينى و غليظ تعبيراتلرينى إبطال ايتمك ايچون ذكر ايتديگنه إستنادًا، أهلِ ضلالتڭ فكرِ كفريلرينڭ بتون بتون محاليتنى و بتون بتون چوروكلگنى گوسترمك ايچون شو تعبيراتى فرضِ محال صورتنده تيتره‌يه‌رك قوللانمغه مجبور اولدم.
 
 

سس يوق

سوزلر