سوزلر | اون يدنجى سوز | 273
(266-300)
موته، أجله دوست باقارم، سن گبى قورقمام.
قبره گوله‌ركدن گيره‌رم، سن گبى اوركمه‌م.
أژدر آغزى، وحشت ياتاغى، هيچلك بوغازى؛ سن گبى گورمم.
أحبابه قاووشديرر بنى، قبردن طاريلمام، سن گبى قيزمام.
رحمت قپوسى، نور قپوسى، حق قپوسى، اوندن صيقيلمام، گرى چكيلمه‌م.
بسم اﷲ دييه‌رك چالييورم، (حاشيه ١) آرقه‌مه باقمام، دهشت ده آلمام.
الحمد ِﷲ دييه‌رك راحت بولوب ياتاجغم، زحمتى چكمم، وحشتده قالمام.
اﷲ أكبر دييه‌رك أذانِ حشرى ايشيدوب قالقه‌جغم، (حاشيه ٢) محشرِ
أكبردن چكينمم، مسجدِ أعظمدن چكيلمه‌م.
لطفِ يزدان، نورِ قرآن، فيضِ ايمان سايه‌سنده هيچ اوزولمه‌م.
طورمايوب قوشاجغم، عرشِ رحمٰن ظلّنه اوچاجغم، سن گبى شاشمام
إن شاء اﷲ


---------------------------------------------

       (حاشيه ١ : أيواه دييه‌رك قاچمييورم
          (حاشيه ٢ : إسرافيلڭ أذاننى فجرِ حشرده ايشيدوب اﷲ أكبر دييه‌رك قالقه‌جغم. صلاتِ كبرادن چكيلمه‌م، مجمعِ أكبردن چكينمم
 
 

سس يوق

سوزلر