سوزلر | اون يدنجى سوز | 270
(266-300)

هم بر مسافرخانه‌در. اويله ايسه، اونى ياپان مهماندارِ كريمڭ إذنى دائره‌سنده يه، ايچ، شكر ايت. قانونى دائره‌سنده ايشله، حركت ايت. صوڭره آرقه‌ڭه باقمه، چيق گيت. هرزه‌كارانه فضولى بر صورتده قاريشمه. سندن آيريلان و سڭا عائد اولميان شيلرله معناسز اوغراشمه و گچيجى ايشلرينه باغلانوب بوغولمه.“ گبى ظاهر حقيقتلرله دنيانڭ ايچ يوزنده‌كى أسرارى گوستروب دنيادن مفارقتى غايت خفيفلشديرر، بلكه هشيار اولانلره سَوْديرر و رحمتنڭ هر شيده و هر شأننده بر ايزى بولونديغنى گوسترر. ايشته قرآن شو بش وجهه إشارت ايتديگى گبى، باشقه خصوصى وجهلره دخى آياتِ قرآنيه إشارت ايدييور.


ويل او كيمسه‌يه كه، شو بش وجهدن بر حصّه‌سى اولميه...


سس يوق

سوزلر