سوزلر | اون يدنجى سوز | 289
(266-300)
ايكنجى لوحه
(أهلِ هدايت و حضورڭ حقيقتِ دنيالرينه إشارت ايدر لوحه‌در.)
دما غفلت زوال بولدى و نورِ حق عيان گوردم.
وجود، برهانِ ذات اولدى حيات، مرآتِ حقدر گور.
عقل، مفتاحِ كنز اولدى فنا، بابِ بقادر گور.
كمالڭ لمعه‌سى سوندى فقط، شمسِ جمال وار گور.
زوال، عينِ وصال اولدى ألم، عينِ لذّتدر گور.
عمر نفسِ عمل اولدى أبد عينِ عمردر گور.
ظلام ظرفِ ضيا اولدى بو موتده حق حيات وار گور.
بتون أشيا أنيس اولدى بتون أصوات ذكردر گور.
بتون ذرّاتِ موجودات برر ذاكر مسبّح گور.
فقرى كنزِ غنا بولدم عجزده تام قوّت وار گور.
أگر اللّٰهى بولدڭسه بتون أشيا سنڭدر گور.
أگر مالكِ ملكه مملوك ايسه‌ڭ اونڭ ملكى سنڭدر گور.
أگر خودبين و كندى نفسڭه مالك ايسه‌ڭ: بِلا عدٍّ بلادر گور،
بِلا حدٍّ عذابدر طاد، بِلا غايت آغيردر گور.
أگر حقيقى عبدِ خدابين ايسه‌ڭ حدودسز بر صفادر گور،
حسابسز بر ثواب وار طاد نهايتسز سعادت گور...

سس يوق

سوزلر