سوزلر | لمعات | 991
(925-1019)
قرآن اونى بڭا ويرمشدى. قارداشم، آرقه‌مى ده بيراقمه، هيچ ده قورقمه! باق ها شوراده تونل‌وارى مغاره‌لر، تحت الأرض آقينتيلر بكلرلر ايكيمزى.
بزى گچيره‌جكلر. طبيعت ده شو مدهش جموديه‌لرى ده سنى هيچ قورقوتماسين. زيرا بو عبوس چهره‌سى آلتنده مرحمتلى صاحبنڭ تبسّملى يوزى.
راديوم‌وارى او مادّۀِ قرآنى ايشيغيله سزمشدم. ايشته، گوزينه آيدين! ضيادار عالمه چيقدق، باق شو زمينِ پرنازى
بو فضاىِ لطيف، شيرين. ياهو باشڭى قالدير! باق سماواته سر چكمش، بلوطلرى ده ييرتمش، آشاغيده بيراقمش. دعوت ايدييور بزى.
شو شجرۀِ طوبٰى، مگر او قرآن ايمش. داللرى هر طرفه اوزانمش. تدلّى ايدن بو داله بز ده آصيلمالى‌يز، اورايه آلسين بزى.
او شجرۀِ سماوى؛ بر تمثالى زمينده اولمش شرعِ أنورى. ديمك زحمت چكمه‌دن او يول ايله چيقاردق بو عالمِ ضيايه، صيقمه‌دن زحمت بزى.
مادام ياڭليش ايتمشز؛ أسكى يره دونرز، طوغرى يولى بولورز. باق، اوچنجى يولمز؛ شو طاغلر اوستنده طورمش اولان شهبازى
هم ده بتون جهانه اوقويور بر أذانى. باق مؤذّنِ أعظمه، محمّد الهاشمى (ع‌ص‌م) دعوت ايدر إنسانى عالمِ نورِ أنوره. إلزام ايدر نياز ايله نمازى.
بلوطلرى ده ييرتمش، باق بو هدى طاغلرينه. سماواته سر چكمش، باق شريعت جبالنه. ناصل مزيَّن ايتمش زمينمزڭ يوزى گوزى.
ايشته چيقمالى‌يز بورادن همّت طيّاره‌سيله. ضيا، نسيم اوراده، نور و جمال اوراده. ايشته بوراده‌در اُحُدِ توحيد، او جبلِ عزيزى.
ايشته شوراده‌در جودئِ إسلاميت، او جبلِ سلامت. ايشته جبل القمر اولان قرآنِ أزهر، زلالِ نيل آقييور او محتشم منبعدن. ايچ او آبِ لذيذى!..
فَتَبَارَكَ اﷲُ اَحْسَنُ الْخَالِقِينَ ❊ وَ اٰخِرُ دَعْوٰينَا اَنِ الْحَمْدُ ِﷲِ رَبِّ الْعَالَمِينَ
سس يوق

سوزلر