سوزلر | اوننجى سوز | 76
(62-158)

عجبا او ياورِ أكرم او فرمانِ أعظمله برابر بتون قوّتيله دعوا ايدوب تبليغ ايتدكلرى شو تبديلِ مملكت مسئله‌سى، هيچ قابل ميدر كه إعتراض قبول ايتسين. أوت قابل دگل! إلاّ كه، بتون بو گورديگمز هر شيئى إنكار ايده‌سڭ...


شيمدى أى آرقداش!. سوز سنڭدر، سويله. نه دييورسه‌ڭ دى!


_ بن نه دييه‌جگم، داها بوڭا قارشى بر شى دينه‌بيلير مى؟ گوندوز اورته‌سنده گونشه قارشى سوز سويله‌نير مى؟ يالڭز ديرم كه: الحمد ِﷲ، يوز بيڭ دفعه شكر اولسون كه؛ وهم و هوا تحكّمندن، نفس و هوس أسارتندن قورتولوب، دائمى حپس و زنداندن خلاص اولدم و ايناندم كه: بو قارمه‌قاريشق، قرارسز مسافرخانه‌لردن باشقه و قربِ شاهانه‌ده بر ديارِ سعادت واردر؛ بز ده اوڭا نامزدز...


ايشته حشر و آخرتدن كنايه و عبارت اولان شو حكايۀِ تمثيليه بوراده تمام اولدى. شيمدى توفيقِ إلٰهى ايله حقيقتِ عليايه گچه‌جگز. گچمش ”اون ايكى صورته“ مقابل ”اون ايكى متساند حقيقت“ ايله بر ”مقدّمه“ بيان ايده‌جگز.


سس يوق

سوزلر