جارێکیان دوو کەس بەرەو گەشتێکی وا کە باسمان کرد کەوتنە ڕێ. یەکێکیان مرۆڤێکی لەخۆبوردە بوو، بەڵا‏م ئەوی دیکەیان سەرکەش و لەخۆبایی بوو.

یەکەمیان پەنای بردە بەر سەرۆک ھۆزێک. بەڵا‏م دووھەمیان ئەمەی نەکرد و گوێی پێ نەدا. ئیتر ھەر یەکەیان بە لایەک‏دا ڕۆشتن.

یەکەمیان کە دەگەیشتە ھەر جێ‏یەک و دانیشتوانی ئەو ناوچەیە کە دەیان‏زانی سەر بەو ھۆزەیە، ڕێزێکی زۆری لێ دەگیرا و بۆ خۆی دەحەسایەوە، خۆ ئەگەر یەکێکی چەتە و ڕێگری پێ بگەیشتایە، ئەوا دەستەڵا‏ت و ھێزی ئەو خێڵە دەبوو بەھۆی ئەوەی دەست نەخرێتە ڕێی. بەم شێوەیە و بەوپەڕی ئازادی و نەترسانەوە گەشتی خۆی تەواو کرد و کارەکانی بەجێ‏ھێنا.

بەڵا‏م کابرای سەرکەش و یاخی، ئەوەندە ناخۆشیی تووش بوو کە لە باس‏کردن نایەت. بە درێژایی گەشتەکەی لە ترس و بیم و خەفەت‏ و سواڵکردن‏دا بوو. بەو جۆرە، خۆی زەلیل و ڕسوا کرد.

ئەی نەفسی سەرکەشی یاخی‏بووم!

چاک بزانە کە تۆ ئەو ڕێبوارەیت..

ئەو بیابانە پڕ لە مەترسی‏یەش ئەم دنیایەیە..

ھەروەھا باش بزانە کە "ھەژاری" و "بێ‌دەستەڵا‏تی"ی تۆ سنووریان نی‏یە و دوژمنەکانت تابڵێی زۆرن و پێویستی‏یەکانی ژیانیشت لەبن‏نایەن.