* Yana, qat`iyan sahih rivoyatga ko’ra, Zoti Muborak (A.S.M.) qon oldirganida, muborak qonini Abdulloh ibni Zubayr tabarruk deb sharbatdek ichib yuborganida, unga bashorat berib: وَيْلٌ لِلنَّاسِ مِنْكَ وَوَيْلٌ لَكَ مِنَ النَّاسِ deya, xoriqo bir shijoat bilan ummatga bosh bo’lishini va mudhish hujumlarga ma`ruz qolishlarini va insonlar u sababli dahshatli hodisalarga giriftor bo’lishlarini xabar bergan. Xabar berganidek chiqqan. Abdulloh ibni Zubayr Umaviylar zamonida, Makkada xalifalikni e`lon qilib, qahramonona ko’p yurishlar qilgan. Nihoyat, Hajjoji Zolim katta bir qo’shin bilan ustiga hujum qilib, shiddatli jangdan so’ng ul qahramoni oliyshon shahid qilingan.

* Yana, qat`iyan sahih rivoyatga ko’ra, Umaviya davlatining Yuzaga kelishini va ularning podshohlarining ko’pi zolim bo’lishini va ichlarida Yazid va Valid ham bo’lishini va Hazrati Muoviya ummatga bosh bo’lishini, وَاِذَا مَلَكْتَ فَاَسْجِحْ deya bashorat berib, muloyimlik va adolatni tavsiya etgan. Va Umaviyadan so’ngra, يَخْرُجُ وَلَدُ الْعَبَّاسِ بِالرَّايَاتِ السّوُدِ وَيَمْلِكُونَ اَضْعَافَ مَا مَلَكُوا deya, Abbosiya davlatining Yuzaga kelishini va uzoq muddat davom etishini xabar bergan. Xabar berganidek chiqqan.

* Yana, qat`iyan sahih rivoyatga ko’ra, bashorat berib:
 وَيْلٌ لِلْعَرَبِ مِن شَرٍّ قَدِ اقْتَرَبَ deya, Chingiz va Xulaguning dahshatli fitnalarini va arablarning Abbosiya davlatini mahv etishini xabar bergan. Xabar berganidek chiqqan.

* Yana, qat`iyan sahih rivoyatga ko’ra, Sa`d ibni Abu Vaqqos g’oyat og’ir xastaligida unga bashorat berib:
 لَعَلَّكَ تُخَلَّفُ حَتّىَ يَنْتَفِعَ بِكَ اَقْوَامٌ وَيَسْتَضِرَّ بِكَ آخَرُونَ deya kelajakda buyuk bir qo’mondon bo’lishini, ko’p g’alabalar qilishini, ko’p millatlar va qavmlar undan manfaat ko’rib, ya`ni musulmon bo’lib va ko’plar zarar ko’rishini, ya`ni davlatlar uning qo’li bilan xarob bo’lishini xabar bergan. Xabar berganidek chiqqan. Hazrati Sa`d Islom qo’shiniga bosh bo’ldi. Eron davlatini yakson etdi. Ko’p qavmlarning Islom doirasiga va hidoyatga kirishiga sababchi bo’ldi.