* Ham yana, sahih rivoyatga ko’ra, bir marta Rasuli Akram Alayhissalotu Vassalom safarda namoz o’qishidan avval otiga: "Jim tur!" dedi. U ham jim turdi. Namoz o’qib bo’lgunga qadar hech bir a`zosini qimirlatmadi.

* Beshinchi Hodisa: Rasuli Akram Alayhissalotu Vassalomning xizmatkori Safina Yaman voliysi Muaz ibni Jabalning yoniga bormoq uchun Rasuli Akram Alayhissalotu Vassalomdan amr olib ketgan. Yo’lda bir arslon duch kelgan. Safina unga degan: "Men Rasuli Akram Alayhissalotu Vassalomning xizmatkoriman." Arslon ovoz berib qaytib ketgan, tegmagan. Boshqa bir silsilada xabar beradilarki, Safina qaytayotganda yo’lni yo’qotib qo’ygan va bir arslonga duch kelgan. Arslon tegmagan, yana unga yo’lni ham ko’rsatgan.

* Ham yana, Hazrati Umardan xabar beradilarki, degan: "Rasuli Akram Alayhissalotu Vassalomning yoniga bir badaviy keldi. Qo’lida, arabchada "dobb" deyilgan, bir kaltakesak, ya`ni echkiemar bor edi. Dedi: "Agar bu hayvon senga shahodat keltirsa, men senga iymon keltiraman, yo’qsa iymon keltirmayman." Rasuli Akram Alayhissalotu Vassalom o’sha hayvondan so’ragandi. Echkiemar fasohatli til bilan risolatiga shahodat keltirdi."

* Ham "Ummul-Mu`minin" Ummu Salama xabar beradiki, bir jayron Rasuli Akram Alayhissalotu Vassalom bilan suhbatlashgan va risolatiga shahodat keltirgan.

Mana shular kabi ko’p misollar bor. Biz qat`iy va mashhur bir necha namunasini ko’rsatdik. Va Rasuli Akram Alayhissalotu Vassalomni tanimagan va itoat etmagan insonga deymiz:

Ey inson! Ibrat olingiz! Hatto bo’ri va arslon Rasuli Akram Alayhissalotu Vassalomni tanigan, itoat etgan. Bu esa, sizlar hayvondan, bo’ridan tubanlashib ketmaslikka harakat qilishingizni taqazo qiladi!..

Ikkinchi Sho’`ba: O’liklarning va jinlarning va maloikalarning Rasuli Akram Alayhissalotu Vassalomni tanishlaridir.  Bunga doir ko’p hodisalar bor. Namuna uchun, shuhrat topgan va ishonchli imomlar xabar bergan bir necha namunani, avvalo o’liklardan bahs etamiz. Ammo jin va maloikalar bilan bo’lgan hodisalar mutavotirdir. Uning misollari bir emas mingdir.

Chunonchi, o’liklarning gapirganiga doir misollardan:

* Birinchisi shuki: Zohir va botin ulamolarining tabein zamonidagi eng buyuk raisi, hamda Imomi Alining muhim va sodiq bir shogirdi bo’lmish Hasani Basriy xabar beradiki: "Bir odam Rasuli Akram Alayhissalotu Vassalomning yoniga kelib yig’lab siqtadi. Dediki: Mening kichik bir qizim bor edi. Shu yaqin darada o’ldi. U yerga tashladim." Rasuli Akram Alayhissalotu Vassalom unga achindi va dedi: "Kel u yerga boramiz." Bordilar. Rasuli Akram Alayhissalotu Vassalom o’sha o’lgan qizni chaqirdi; "Hoy falonchi!" dedi. Birdan o’sha o’lgan qiz: “Labbayka va sa`dayk” dedi. Rasuli Akram Alayhissalotu Vassalom so’radi: "Qayta padar va volidangni yoniga qaytishni xohlaysanmi?" U dedi: "Yo’q, men ulardan yanada xayrli zotni topdim!"