ئەوە فەرمانی کارگێڕی و بلیتی سەفەرە!

بیدڕێنە.. لەم وەرزی بەھارە جوانەدا پێویستیمان بە سەفەر نی‏یە!

بەم جۆرە، ھێندەی نەمابوو ئەو فێڵبازە، بە فڕوفێڵەکانی، سەربازەکە لە خشتە ببات و لە ڕێ‌ دەری بکات، بە ڕادەیەکی ئەوتۆ کە نزیک‏ بوو ھەندێک لە قسەکانی بسەلمێنێت.. (بەڵـێ‌ ڕاستە مرۆڤ لە خشتە دەبرێ‌ و، من خۆیشم بەھۆی یەکێکی وەک ئەم فێڵبازەوە لە خشتە برام)!

لە ناکاودا دەنگێکی بڵندی وەک نەعرەتەی ھەور لە لای ڕاستیەوە بێداری کردەوە و پێیوت:

ئاگاداربە! نەخەڵەتێی.. بەو فێڵبازە بڵێ‌:

ئەگەر دەتوانیت ئەو شێرەی پشتەوەم بۆ بکوژیت..

ئەگەر دەتوانیت ئەو سێدارانە لەسەر ڕێگام ھەڵبگریت..

ئەگەر دەتوانیت ھەردوو زامە قوڵەکانم چاک بکەیتەوە و ساڕێژیان بکەیت..

* * *