[1][3]  ھەندێ‌ لەو واتایانەی کە ئەم وێنەیە ئاماژەیان بۆ دەکات، لە "ڕاستیی حەوتەم"دا ڕوون‏ کراونەتەوە. بۆ نموونە ئەو کامێرا مەزنە تایبەتی‏یەی پادشا، ئاماژە بۆ "لوح المحفوڤ" و ڕاستیی ئەو لەوحە دەکات. ئنجا وتەی "بیست‏وشەشەم"یش "لوح المحفوڤ"ی چەسپاندووە و، بوونی ئەو لەوحە بەمەی خوارەوە چەسپاوە:

ھەروەک ناسنامە کەسی‏یە بچووکەکان ھێمان بۆ بوونی تۆمارێکی مەزنی ناسنامەکان و.. قەواڵە بچووکەکانیش دەری‏دەخەن کە تۆمارێکی مەزن ھەیە ھەموو قەواڵەکانی تێدا تۆمارکراوە و.. نمە وردیلەکانی دڵۆپە بچووکەکانیش بەڵگەن لەسەر بوونی کانیاوێکی مەزن.. ھەروەک ئەمانە وان، بە ھەمان جۆریش یەک‏بەیەکی: ھێزی پارێزەر(حافڤە)ی مرۆڤ کە زانیاری‏یەکانی مرۆڤی تێدا دەپارێزرێن و.. بەری درەختەکان و.. تۆوی بەرەکان، وەک ناسنامەی بچووک بچووک وان و، لە واتای چەند "لوح المحفوڤ"ێکی بچکۆلەدان و، لە شێوەی چەند نمێکی ھەندێ‌ دڵۆپی بچووک‏دا دەردەکەون کە نم نم لەو پێنووسەوە داچۆڕاون کە "لوح المحفوڤ"ی مەزنیان پێ‌ نووسراوە. لەبەر ئەوە، ھەموو یەکێ‌ لەمانە مرۆڤ وا لـێ‌ دەکەن کە بە بێ گومانی ھەست بە بوونی "حافڤە"یەکی مەزن‏تر و، تۆمارێکی گەورەتر و، لەوحی مەحفووزی ھەرە مەزن بکات و، ئەمانەی بۆ دەچەسپێنن و بۆ عەقڵە تیژە بێدارەکانیان دەخەنە ڕوو. (دانەر)