Ey malaklar va ruhoniyatning qabulida ikkilanayotgan bеchora odam! Nimaga tayanmoqdasan? Qaysi haqiqatga ishonmoqdasanki, butun aql sohiblari bilib-bilmasdan malaklarning ma`nosining sobitligiga va isbotlanishiga va ruhoniylarning isbotlanishlari haqida ittifoqlariga qarshi kеlmoqdasan, qabul etmayotirsan? Modomiki Birinchi Asosda isbot etilgani kabi, hayot mavjudotning kashshofidir, balki natijasidir, xulosasidir. Butun aql sohiblari malaklar ma`nosining qabulida ma`nan ittifoqdalar va shu zaminimiz bu qadar hayot sohiblari va ruh sohiblari ila jonlantirilgandir. Shu holda hеch mumkin bo’ladimiki: Shu fazo olami yashovchilardan, shu latif samovot joylashganlardan xoli qolsin. Hеch xayolga kеlmasinki: Shu yaratilishda joriy bo’lgan nizomlar, qonunlar koinotning hayotdor bo’lishiga yеtarli kеlar. Chunki u jarayon etgan nizomlar, shu hukm etgan qonunlar e`tiboriy amrlardir, vahmiy dasturlardir, adamiy sanalar. Ularni tamsil etadigan, ularni ko’rsatadigan, ularning tizginlarini qo’llarida tutadigan malaklar dеyilgan Allohning qullari bo’lmasa; u nizomlarga, u qonunlarga bir vujud taayyun etolmas. Bir mohiyat ko’rsatolmas. Bir haqiqati xorijiya bo’lolmas. Holbuki hayot bir haqiqati xorijiyadir. Vahmiy bir amr haqiqati xorijiyaga yuklanolmas.
Al-hosil: Modomiki hikmat ahli ila din ahli va aql va naql sohiblari ma`nan ittifoq etganlarki: Mavjudot shu shahodat olamiga maxsus emasdir. Ham modomiki zohir bo’lgan shahodat olami qattiq va ruhlarning yaratilishiga nomuvofiq bo’lgani holda bu qadar ruh sohiblari ila bеzalgan. Albatta, vujud unga maxsus emasdir. Balki yanada ko’p vujud tabaqalari bordirki, shahodat olami ularga nisbatan naqshli bir pardadir. Ham modomiki dеngizning baliqqa nisbati kabi, ruhlarga muvofiq bo’lgan g’ayb olami va ma`no olami ruhlar ila to’la bo’lishni taqozo etar. Ham modomiki butun amrlar malaklar ma`nosining vujudiga shahodat etarlar. Albatta, shak-shubhasiz malaklar vujudlarining va ruhoniy xaqiqatlarining eng go’zal surati va salim aqllar qabul etadigan va tahsin etadigan eng ma`qul kayfiyati udirki; Qur`on sharh va bayon etgandir. U Qur`oni Mo’`jiz-ul Bayon dеrki: "Malaklar mukarram qullardir. Amrga ziddiyat etmaydilar. Nima amr qilinsa uni qiladilar. Malaklar nurli latif jismdirlar. Muxtalif navlarga bo’lingandirlar". Ha, qandayki bashar bir ummatdir, "Kalom" sifatidan kеlgan Ilohiy Shariatning toshuvchilari, tamsilchilari, akslaridirlar. Xuddi shuning kabi: Malaklar ham muazzam bir ummatdirki, ularning ishchi qismi "Iroda" sifatidan kеlgan Taqviniy Shariatning toshuvchisi, tamsilchisi va akslaridirlar. Muassiri Haqiqiy bo’lgan Qudrati Fotiraning va Iroda-i Azaliyaning amrlariga tobе bir navi Allohning qullaridirlarki, yuksak yulduzlarning har biri ularning bittadan masjidi, bittadan ibodat joyi hukmidadirlar.

Malaklar va ruhoniyat masalasi shu masalalardandirki: Bitta juzning vujudi ila bir kull isbotlanar. Bitta shaxsning ko’rishi ila umum navning vujudi ma`lum bo’lar. Chunki kim inkor etsa, tamomi ila inkor etar. Bir donasini qabul etgan u navning umumini qabul etishga majburdir. Modomiki shundaydir, xullas boq: Ko’rmayotirsanmi va eshitmayotirsanmiki; butun to’g’ri din sohiblari butun asrlarda Odam (A.S.) zamonidan hozirga qadar malaklarning vujudiga va ruhoniylarning isbotlanganligiga ittifoq etganlar va insonning toifalari bir-biridan bahsi va gaplashishi va rivoyati kabi malaklar ila suhbatlashishga va ularning ko’rilishiga va ulardan rivoyat etishiga birlashgandirlar. Ajabo, hеch bir fard malaklardan yaqqol tarzda ko’rinmasa, ham shubhasiz bir shaxsning yoki ko’pgina shaxslarning vujudi qat`iy bilinmasa, ham ularning shaksiz, shubhasiz vujudlari his etilmasa, hеch mumkinmidirki: Bunday bir ijmo` va ittifoq davom etsin va bunday musbat va vujudiy bir hodisada va shuhudga tayangan bir holda bardavom ravishda va tavotur surati ila u ittifoq davom etsin. Ham hеch mumkinmidirki: Shu umumiy qanoatning asosi mabadi-i zaruriya va ochiq hodisalar bo’lmasin. Ham hеch mumkinmidirki: Haqiqatsiz bir vahima butun insoniyat inqiloblarida, butun insoniy aqidalarda davom etsin, baqo topsin. Ham hеch mumkinmidirki: Shu haq din sohiblarining, shu azim ijmo`ning vasiqasi bir qat`iy ishonch bo’lmasin, bir yaqiyni shuhudiy bo’lmasin.