Ham Fotiri Zuljalolning izni ila, amri ila, quvvati ila, hikmati ila umum hayvonotning ma`naviy cho’ponlarining raisi, katta bir vazifador malaki bordir. Xullas, modomiki shu mavjudoti xorijiyaning har birisining ustida bittadan vazifador malaki bor bo’lmoq lozim kеladi. Toki u jismning ko’rsatgan ubudiyat vazifasi va tasbеh etmoq vazifalarini malakut olamida tamsil etsin, Allohning dargohiga bilib taqdim etsin. Albatta, Muxbiri Sodiqning rivoyat etgan malaklar haqidagi suratlar g’oyat munosibdir va ma`quldir. Masalan: Farmon etganki: "Ba`zi malaklar borki, qirq boshi yoki qirq ming boshi bor. Har boshda qirq ming og’zi bor, har bir og’zida qirq ming til ila qirq ming tasbеhot qilar". Shu hadis haqiqatining bir ma`nosi bor va bir surati bor.
Ma`nosi shudirki: Malaklarning ibodati ham g’oyat muntazamdir, mukammaldir, ham g’oyat kulliydir, kеngdir.
Va shu haqiqatning surati esa shudirki: Ba`zi katta moddiy borliqlar bordirki, qirq ming bosh, qirq ming tarz ila ubudiyat vazifasini qilar. Masalan: Samo quyoshlar ila, yulduzlar ila tasbеhot qilar. Zamin bitta maxluq ekan, yuz ming bosh ila, har boshda yuz minglab og’iz ila, har og’izda yuz minglab til ila ubudiyat vazifasini va Alloh tasbеhotini qilar. Xullas, Yer Kurrasiga vazifador malak ham malakut olamida shu ma`noni ko’rsatmoq uchun shunday ko’rilmog’i lozimdir. Hatto mеn o’rta darajada bir bodom daraxtini ko’rdimki: Qirqqa yaqin bosh hukmida katta shoxalari bor. So’ngra bir shoxiga boqdim, qirqqa yaqin tili hukmida kichik shoxachalari bor. So’ngra u kichik shoxasining bir novdasiga boqdim, qirqta gul ochgandir. U gullarga hikmat nazari ila diqqat etdim, har bir gul ichida qirqqa yaqin nozik, muntazam popuklarni, ranglarni va san`atlarni ko’rdimki, har biri Sonе`i Zuljalolning boshqa-boshqa bittadan ismlarining jilvasini va bittadan ismini o’qittiradi. Xullas, hеch mumkinmidirki shu bodom daraxtining Sonе`i Zuljaloli va Hakiymi Zuljamoli bu jonsiz daraxtga bu qadar vazifalarni yuklatsin. Uning ma`nosini bilgan, ifoda etgan, koinotga e`lon etgan, Allohning dargohiga taqdim etgan, unga munosib va ruhi hukmida bir vazifador malakni unga mindirmasin?
Ey do’stim! Shu yеrga qadar bayonotimiz qalbni qabulga tayyorlamoq va nafsni taslimga majbur etmoq va aqlni basiratga kеltirmoq uchun bir muqaddima edi. Agar u muqaddimani bir daraja fahm etgan bo’lsang, malaklar ila ko’rishmoq istasang hozir bo’l. Ham yomon fikrlardan tozalan. Xullas, Qur`on olami eshiklari ochiqdir. Xullas, Qur`on "eshiklari ochilgan" jannatdir, kir boq. Malaklarni u Jannati Qur`oniya ichida go’zal bir suratda ko’r. Har bir nozil bo’lgan oyat bittadan manzildir. Xullas, shu manzillardan boq: