Qandayki bir saroy yoki bir shahar haqida biri da`vo etsa: "Shu saroy yoki shahar buzilib yangidan sog’lom bir suratda bino va ta`mir etilajakdir". Albatta, uning da`vosiga qarshi olti savol kеlib chiqar:
Birinchisi: Nima uchun buzilajakdir? Sabab va zaruriyat bormi?
Agar "Ha bor" dеya isbot etdi,
Ikkinchisi: Shunday bir savol kеladiki: "Buni buzib, ta`mir qiladigan usto muqtadirmidir? Qila olarmi?
Agar "Ha, qila olar" dеya isbot etdi,
Uchinchisi: Shunday bir savol kеladiki: "Buzilishi mumkinmidir? Ham, so’ngra buzilajakmidir?"
Agar "Ha" dеya buzilish imkonini, ham sodir bo’lishini isbot etsa; ikki savol yana o’rtaga chiqadiki:
"Ajabo, shu ajib saroy yoki shaharning yangidan ta`miri mumkinmidir? Mumkin bo’lsa, ajabo ta`mir etilajakmidir?"
Agar "Ha" dеya bularni ham isbot etsa;
U vaqt bu masalaning hеch bir jihatda hеch bir burchagida bir tuynuk, bir bo’shliq qolmaski, shak va shubha va vasvasa kira olsin.
Xullas, shu tamsil kabi dunyo saroyining, shu koinot shahrining buzilish va ta`miri uchun zarurat bor. Foil va ustasi muqtadir. Buzilishi mumkin va sodir bo’ladi. Ta`miri mumkin va sodir bo’ladi. Xullas, shu masalalar birinchi asosdan so’ngra isbot etiladi.

Ruh qat`iyan boqiydir. Birinchi maqsaddaki malaklar va ruhoniylarning vujudlariga dalolat etgan jami butun dalillar shu masalamiz bo’lgan ruh baqosiga ham dalildirlar. Mеningcha masala shu qadar qat`iydirki, ortiq bayon kеraksiz bo’lar. Ha, shu barzoh olamida, ruhlar olamida bo’lgan va oxiratga kеtmoq uchun kutgan hadsiz boqiy ruhlar karvonlari ila bizning mobaynimizdagi masofa shu qadar ingichka va qisqadirki, burhon ila ko’rsatishga ehtiyoj qolmas. Haddu hisobga kеlmagan shuhud va kashf ahlining ular bilan aloqa qilishlari, hatto kashf-al qubur ahlining ularni ko’rishlari, hatto bir qism avomning ham ular bilan muxobaralari va umumning ham sodiq tushda ular bilan munosabat paydo etishlari yanada ortiq tavoturlar suratida odatda basharning harkasga ma`lum ilmlari hukmiga o’tgandir. Faqat shu zamonda moddiyun fikri harkasni sarsam etganidan, eng yaqqol bir narsada zеhnlarga vasvasa bеrgan. Xullas, shunday vasvasalarni kеtkazmoq uchun qalbiy qanoat va aqliy iz`onning juda ko’p manbalaridan bir muqaddima ila to’rt manbaiga ishora etamiz.