Ha, u ajnabiylarning jonivorlar kabi qilganlari muomala va zulmlar Islom dunyosida, hurriyat va istiqlol va Islom ittihodi jarayonini ham tezlashtirmishtir. Nihoyat, mustaqil Islom davlatlarining tashkilini keltirib chiqarmishtir. Inshaallohu Taolo, Islom Birlashgan Davlatlari ham maydonga kelajak va Islomiyat dunyoga hokim va hukmron bo’lajakdir. Allohning rahmatidan quvvat ila umid va niyoz etamiz.
Xullas, Risola-i Nur muallifi Badiuzzamon Said Nursiy shunday bir Islom mujohididirki; va Risola-i Nur ta`lifoti shunday xushyor qiluvchi va shunday xaloskor va shunday favqulodda va jahongir bir asardirki: Dinga qarshi butun u komitetlarning bellarini sindirmish, mazkur zararli va fasodchi faoliyatlarini natijasizlikka duchor va dinsizlik asoslarining poydevorlarini parcha-parcha etmish va ildizi ila kesmishtir va Islomiy va iymoniy futuhotni parda ostida, qalbdan qalbga inkishof ettirmish va Qur`oni Azimushshonning mutlaq hokimiyatiga zamin tayyorlamishtir.
Ha, Risola-i Nur u taxribotni Qur`onning olmos haqiqatlari ila va Qur`oni Karimdagi eng qisqa va eng mustaqim bir tariq ila ta`mir va u yaralarni Qur`oni Hakimning eng buyuk dorixonasidagi darmonlar ila davolaydi va etajakdir.
Ham ma`sum musulmonlarning qonlarini ichgan va sarvatlari qotgan millat qoni bo’lgan, parazit, yuvindixo’r va och ko’zli jonivor va varvar imperiyalistlarni, mustamlakachilarni va ularning ichimizdagi, faqat shaxsiy manfaat zabuni, zolim, xunxo’r, hirsli va mustabid xizmatkorlarni haq ila yakson etib yo’q etmoq va mutlaq cho’ktirmoq ila mag’lub etgan va etadigan yagona choraning Qur`oni Mo’`jiz-ul Bayonning bu asrda ma`naviy bir mo’`jizasi bo’lgan Risola-i Nur asarlari bo’lganida, basiratli Islom mujohidlari va olimlari, ijroot va mushohadotga tayanib, yaqiniy bir qat`iy qanoat ila ittifoqdadirlar.
Ha, insoniyat tarixi Risola-i Nur kabi bir asar ko’rsatmaydi. Demak anglashilmoqdaki: Risola-i Nur Qur`onning tengsiz bir tafsiridir.
Ha, Badiuzzamon Said Nursiyga yolg’iz olami Islom emas, Nasroniy dunyosi ham qarzdor va minnatdordirki; dinsizlikka qarshi umumiy jihodida mazhar bo’lgan muvaffaqiyat va g’olibiyat sababli Rim Popi ham o’ziga rasman tabrik va tashakkurnoma yozmishtir.
Hozir Risola-i Nur Kulliyotidan iymon, Qur`on va Hazrati Payg’ambar (Alayhissalotu Vassalam) Afandimiz haqida bo’lgan asarlardan ba`zi qismlarni aynan o’qiyman. Siz bu asarlarni qo’lga kiritib tamomini o’qiysiz. O’qirkan, balki izoh etilishini istagan qardoshlarimiz topilar. Faqat bu xususda arz etayimki, ustozimiz Badiuzzamon bir Nur talabasiga Risola-i Nurdan ba`zan o’qib bermoq lutfini baxsh etarkan izoh etmaydi, deydiki: "Risola-i Nur iymoniy masalalarni keragi darajasida izoh etmish. Risola-i Nurning domlasi Risola-i Nurdir. Risola-i Nur boshqalardan dars olishga ehtiyoj qoldirmaydi. Harkas iste`dodi nisbatida o’zi o’ziga istifoda etar. Aqlingiz har bir masalani to’liq anglamasa ham, ruh, qalb va vijdoningiz hissasini olar. Naqadar istifoda etsangiz, buyuk bir qozonchdir".
O’qilgan Turkcha yoki Arabcha bir risolaning izohi boshqa bir risolada bo’lsa, uni keltirib o’qiydi. Risola-i Nurdagi g’oyat nozik nuktalarni anglagan basiratli olimlar ham derki: Bir olimning yuksak bir ilmi bo’lishi mumkin, faqat Risola-i Nurni jamoatga o’qirkan tafsilotga kirishib eski ma`lumotlari ila ochiqlasa, bu izohoti Risola-i Nurning bayon etgan asrimizning fahmiga uyg’un va ehtiyojiga to’liq javob bergan haqiqatlarning anglashilishida va ta`sirlarida va Risola-i Nurning mohiyatining anglashilishiga bir parda bo’lishi mumkin. Shuning uchun ba`zi lug’atlarning ma`nolarini aytib aynan o’qimoq yanada ta`sirli va yanada afzaldir.