Ustoz shaxsining mazhar va oyna bo’lgan Qur`oniy haqiqatlar va Nurlar e`tibori ila va nashr etgan iymon va Islomiyat darslari ila, tom ixlos ila, umumiy va kulliy bir tarzda Qur`onga va dinga xizmat etishi ila, u haqidagi taqdir va tahsinlar, harfiy ma`no ila shaxsiga oid qolmaydi. Qur`on va Islomiyatga tegishlidir. Allohning nomi va hisobigadir. Din dushmanlari tarafidan unga qilingan dushmanlik va hujumlar ham Badiuzzamonning xodimligini qilgani Qur`on va Islomiyatning o’rtadan yo’qotilishi maxsus maqsadiga oiddir.
Zero Qur`on va iymon haqiqatlarini jamlagan u jahonshumul Risola-i Nur asarlari unga ehson etilmishtir.
Xullas bu yaqqol haqiqatni bilgan niqobli, yashirin va munofiq iymon va Islomiyat muorizlari va dushmanlari yarim asrga yaqindir Badiuzzamonning chiritolmaganlari shaxsini yolg’on va shovqinlar ila hanuz chiritishga urinmoqdalar. Maqsadlari Risola-i Nur rag’bat va rivoj ko’rib intishor etmasin, iymon va Islomiyat taraqqiy etmasin. Holbuki Said Nursiyga tegildikcha Risola-i Nur porlamoqda. Nashriyot doirasi kengaymoqda. Bittadan namuna bo’lgan yigirma besh sana ichidagi hodisalar maydondadir.
Islomiyat dushmanlari bir tarafdan tamomi ila yolg’on propagandalariga va hujumlariga davom etarkan, boshqa tarafdan esa Nur talabalarining ustozlari va Risola-i Nur haqida iste`dodlari nisbatida, istifoda va istifozalaridan tug’ilgan minnat va shukronlarini ifoda etgan taqdirkor yozuv va so’zlardan tarkib topgan bir navi mudofaalarini pardalar orqasidan man etishga urinmoqdalar. Buning uchun sofdil ko’rganlari do’stlarning do’stlariga yoki do’stlarga samimiy ko’rinib "Ifrotga ketmoqdasiz" kabi bir tur narsalar ayttiradilar. Xullas bunday yashirin, bunday dassos, bunday hiylali turli iftirolar ila bizni qo’rqitishga, cho’chitishga va sustirishga urinmoqdalar.
Ha, ajabo hech aql korimidirki: Din dushmanlari iftiro va yolg’onlardan iborat shovqinlarini qilsinlar da, bizlar haqiqatni izhor tarzi ila mudofaa etishda jim turaylik? Ajabo hech mumkinmidirki: Islomiyat dushmanligi ila Ustoz Badiuzzamon haqida zolimona va jabborona haqsizliklarni qilgan u insofsiz propagandachilar yolg’onlarini yoyarkan, biz Ustoz va Risola-i Nurning haqqoniyatini e`lon etib, u ajib yolg’onlarini natijasiz qoldirishga urinmasligimiz kerak? Ajabo axmoqlik va soddalik bo’lmasmiki: Qur`on va iymonning xunxo’r va mustabid zolim dushmanlari Qur`on va Islomiyatni va dinni Risola-i Nur ila mutlaq kufrga qarshi mudofaa va muhofaza xizmatini qilgan Badiuzzamonga qarshi doimo uydirmalar ila ovozlarini yuksaltirsinlar da, biz haq va haqiqatni bayon va e`lon etishda sukut etaylik, jim bo’laylik yoki "Biroz jim bo’ling" kabi bir narsa ila niqoblar, pardalar orqasida ijro-i faoliyat qilgan u yashirin dushmanlarga bir navi yordam etmish yoki dastaklamish bo’laylik? Aslo va hech qachon, qat`iyan va aslo jim bo’lmaymiz va ham jim qila olmaydilar. To’xtamaymiz va ham to’xtata olmaydilar. Bu jon bu qafasdan chiqqunga qadar, bu ruh bu jasaddan ayrilgunga qadar, bu nafas bu badandan ketgunga qadar Risola-i Nurni o’qiymiz, nashr etamiz. Risola-i Nurning mahzi haqiqat va ayni haq bo’lganini va Badiuzzamon Said Nursiyning qilingan ayblardan batamom munazzah va mubarro bo’lganini iftirochi va hiylachi, xunxo’r din dushmanlariga muqobil izhor va e`lon etamiz.
Qiymatli Qardoshlarim! Islom tarixida oltin sahifalarda mavqelari bo’lgan buyuk va benazir zotlar maydonga kelmishtir. U mislsiz zotlarning tafsirlari va asarlari hech bir Ovrupalik faylasufning asari ila qabuli qiyos bo’lmaydigan darajada tengsizdir. U buyuk Islom mualliflari va Islom dohiylari har qaysi bir hukumatning sanalarcha og’ir bir asorat va qorong’i bir istibdodi taxtida bo’lmasin, Qur`on va Islomiyatga haqqi ila va xolis bir suratda xizmat etmishlardir. Tarixda o’xshashiga uchralmagan mutlaq bir istibdod va ashaddiy zulm ostida va dahshatli bir asorat ichida qoldirilgan va o’zini va asarlarini yo’q qilishga uringan din dushmanlariga muqobil, bir ma`naviy shaxs bo’lgan Badiuzzamon Said Nursiy Rasuli Akram (Alayhissalotu Vassalam) Afandimizning sunnatiga to’liq ittibo etib qilgan diniy buyuk jihodida bashar tarixida o’xshashi ko’rilmamish bir tarzda muvaffaq va muzaffar bo’lmishtir.