Badiuzzamon kabi bir yuz o’ttiz parcha iymoniy asarlarini shiddatli bir istibdod, tazyiqot va taqyidot ostida yashirindan yashirin ta`lif eta olmoq, ham quvvatli bir taqvo va ubudiyatga sohib bo’lmoq va ham bular bilan barobar, urush frontida ham fidoiy bo’lib ko’ngillilari ila jang qilmoq va urush jabhasida, nishon o’qlari qarshisida ham fursat topguncha Qur`onning eng nozik nuktalarini va horiqo i`jozini bayon etgan bir Qur`on tafsiri ta`lif etmoq va ayni zamonda nafs mujodalasida ham g’olib bo’lib, nafsini ham dinga xizmatkor qilmoq va hurriyati g’asb etilib, uzoq bir qishloqqa surgun etilib, tajridi mutlaq va tarassudlar va har turli azoblar ichida qurshalgan, Iknvizitsiya zulmlarini ko’p orqada qoldirgan hokim bir quvvatning tazyiqoti ostida qotil jonivorlarning juda vahshiy iskanjalari ichida, (Sirran tanavvarot) siri ila parda ostida Risola-i Nur asarlari kabi asarlar nashr etmoq va shunday qilib jahonning moddiy ma`naviy "Fotih"i bo’lgan Rasuli Akram Alayhissalotu Vassalmning sunnati saniyasining bir xizmatkori bo’lib, bugun millionlarga yetgan bir jamoatni, Allohning yordami ila, Qur`oni Hakimning katta yo’lida salomat ila olib bormoq va mo’`minlarning va bashariyatning faqatgina dunyolarini emas, abadiy saodatlarini ta`minga Risola-i Nur kabi bir asar ila vasila bo’lmoq; bu mazkur xususiyatlarning ma`naviy shaxsida to’planishi, Risola-i Nur muallifi Badiuzzamon Said Nursiy kabi tarixda qaysi bir zotga yana nasib bo’lmishtir ajabo?
Ha do’stlarim! Risola-i Nur shunday bir haqiqat ziyosi, shunday haqning bir burhoni va haqiqatning bir sirojini nashr etmoqda va ikki jahonning saodatini ta`min etadigan Qur`on va iymon haqiqatlarini dars beradi va shunday Allohning bir lutfidirki: Yigirma besh sanadan beri bola-chaqa, yosh-qari, xotin-erkak, muallimi, faylasufi, talabasi, olimi, mutasavvifi kabi har bir inson tabaqasi bu Nurning oshig’i, bu Nurning parvonasi, bu Nurning ko’kragiga otilmishlar, bu Nurdan madad istamishlar. Millionlarcha baxtiyor kishilardan tashkil topgan muazzam bir to’da bu nur ila nurlanib, bu nur ila xalos bo’lmishlardir.
Ha, do’stlarim! Mo’`jizalar xazinasi va eng buyuk mo’`jiza bo’lgan Qur`oni Azimushshonning haqiqiy bir tafsiri bo’lgan Risola-i Nur shu qadar maroqli, shu qadar jozibador, shu qadar dahshatli va muazzam haqiqatlarni dars beradi va masalalarni isbot etadiki; iymon va Islomiyatning qit`alar kengligida inkishof va futuhotiga mador bo’lmoqda va bo’ladi.
Ha, Risola-i Nur qalblarga shu daraja bir ishq va muhabbat, ruhlarga shu qadar bir vajd va hayajon bermish, aql va mantiqlarni shunday bir tarzda qondirmish va shunday bir qalb ishonchi hosil etmishtirki, millionlab Nur talabalariga o’zini dafalarcha o’qitmish, yozdirmish va bir umr bo’yicha mutolaa ettirmish va sanalardan beri xuddi o’z-o’zini nashr etmishtir.
Aziz qardoshlarim! Ajnabiy barmog’i ila idora etilgan dinsizlik komitetlari, Islomiyatni imho uchun, Islom mamlakatida, xususan Turkiyada shunday dasisalar ila hiylalar aylantirmishlar, xoinlarcha nayranglar qilmishlar, xunxo’rona va vahshiyona zulmlar qilmishlar va shaytoniy va nafratlanuvchi rejalar tatbiq etmishlar va aldatmalarda bo’lmishlar; iblisona, yashirin dasturlar ta`qib etmishlar va akani ukaga to’qnashtirmishlar va shunday aldatuvchi yolg’on va propagandalar va shovqinlar qilmishlar, fitna va fasod va ayrilish tuxumlari sochmishlardirki; bular Islomning binosida chuqur yaralar ochmish va katta taxribotlar qilmishtir.
Faqat u musibatlar, Janobi Haqning yordami ila, harakat va xizmat ettirilgan Badiuzzamon Said Nursiy kabi tom ixlosni qozongan bir zot vositasi ila, Allohning rahmati ila madadras va shiforason va jahonpisand va jahonshumul bir mohiyatni ichiga olgan Risola-i Nur asarlarining maydonga kelishiga sabab bo’lmishtir. Va ayni zamonda Musulmonlarni uyg’otmish. Ularni xalos, qutulish choralarini qidirishga chorlamishtir. Abadiy oxirat hayotlarini qutqarmoq uchun haqiqiy iymon darslarini olmoq va Allohga iltijo va amrlariga itoat etmoq ehtiyojini shiddat ila his ettirmish va bu xusudagi g’aflat va nuqsonlarni u musibatlarning eslatganini idrok ettirmish. Zotan insonlarning, mo’`minlarning boshiga kelgan balo va musibatlarning hikmati budir.