TO’QQIZINCHI SURAT:
Endi kel! Bu doiralarning va jamoatlarning ba`zi raislariga boqki:(Izoh1) Har birida shaxsan Podshoh ila ko’rishadigan xususiy bittadan telefoni bor. Ham ba`zilari Uning huzuriga chiqqanlar. Nima aytmoqdalar, boq: Ular ittifoq ila xabar bermoqdalarki; U Zot, mukofot va jazo uchun juda muhtasham va dahshatli bir yer hozirlagan. G’oyat kuchli va`da va shiddatli qo’rqitmoqda. Ham Uning izzat va jalolati hech bir jihatda va`dadan qaytishga tanazzul etib, zillatni qabul etmas". Holbuki, u muxbirlar ham tavotur darajasida ko’p, ham ijmo` quvvatida ittifoq bo’lib xabar beradilarki: Shu ba`zi belgilari namoyon bo’lgan azim saltanatning madori va markazi bu yerdan uzoq boshqa bir mamlakatdadir va shu imtihon maydonidagi binolar vaqtinchalikdir. So’ngra doimiy saroylarga almashtirilajak. Bu yerlar o’zgarajak. Chunki: Asarlari ila azamati tushunilgan shu muhtasham, zavolsiz saltanat; bunday o’tkinchi, davomsiz, beqaror, ahamiyatsiz, o’zgaruvchan, bebaqo, nuqsonli, takammulsiz ishlar ustiga qurilmas, turg’izilmas... Demak; unga loyiq, doimiy, barqaror, zavolsiz, bardavom, mukammal, muhtasham ishlar ustida turmoqda.
Demak, bir boshqa diyor bor; albatta o’sha poytaxtga ketilajakdir.
O’NINCHI SURAT.
Kel, bugun navro’zi sultoniydir.(Izoh2) Bir o’zgarishlar bo’lajak, ajib ishlar yuzaga chiqajak. Shu bahorning shu go’zal kunida, chechaklar ochgan chiroyli yashil sahroga borib bir sayr etamiz. Xullas boq! Aholi ham bu tarafga kelmoqdalar. Boq bir sehr bor. U binolar birdan xarob bo’ldilar. Boshqa bir shakl oldilar. Boq, bir mo’`jiza bor. U xarob bo’lgan binolar birdan bu yerda qurildi. Xuddi bu huvillagan bir cho’l, madaniy shahar bo’ldi. Boq, kino lavhalari kabi, har soatda boshqa bir olamni ko’rsatar. Boshqa bir shakl olar. Shunga diqqat etki; shu qadar chalkash, tez, ko’p sonli, haqiqiy lavhalar ichida naqadar mukammal bir intizom bordirki, har narsa joy-joyiga qo’yilmoqda. Xayoliy kino lavhalari ham bunchalik muntazam bo’lolmas. Millionlab mohir sehrgarlar ham bu san`atlarni qila olmaslar. Demak, bizga ko’rinmagan u podshohning juda buyuk mo’`jizalari bordir.
Ey ahmoq! Sen aytmoqdasan: "Qanday qilib bu ulkan mamlakat buzilib, boshqa bir yerda qurilajak?"
Mana ko’rmoqdasanki: Har soat, sening aqling qabul etmagan u yerni almashtirish singari ko’p inqiloblar, o’zgartirishlar bo’lmoqda. Shu to’planmoq, tarqalmoq va shu hollardan anglashilmoqdaki: Bu ko’ringan tez to’planishlar, tarqalishlar, tashkillar va buzilishlar ichida boshqa bir maqsad bor...
Bir soatlik to’planish uchun o’n yillik xarajat qilinmoqda. Demak, bu vaziyatlar asl maqsad emasdirlar. Bir misol keltirishdir, bir taqliddirlar. U Zot mo’`jiza ila qilmoqda. Toki, suratlari olinib tarkib qilinsin va natijalari hifz etilib, yozilsin . – Qandayki, mashq maydoni imtihonining har hodisasi qayd etilardi va yozib olinardi.- Demak, bir ulkan yig’inda muomala bular ustida davom etib qaytajak. Ham bir mashhari a`zamda doimiy ko’rsatilajak. Demak, shu o’tkinchi, beqaror vaziyatlar barqaror suratlar, boqiy mevalar bermoqdalar.
Demak, bu marosimlar bir saodati uzmo, bir Mahkama-i Kubro, bilmaganimiz yuksak g’oyalar uchundir...
--------------------------------------------------------
(Izoh1) Bu Surat isbot etgan ma`nolar "Sakkizinchi Haqiqat"da ham ko’rinadi. Masalan, doiralarning raislari, bu misolda: Anbiyo va Avliyolarga ishoradir. Va tеlеfon esa, vahiyga mazhar bo’lgan va mazhari ilhom bo’lgan, qalbdan uzayib kеlgan bir Allohga bog’liqlikdirki, qalb u tеlеfonning boshidir va qulog’i hukmidadir.
(Izoh2) Bu surat ramzini "To’qqizinchi Haqiqat"da ko’rasan. Masalan, Navro’z kuni bahor mavsumiga ishoradir. Gulchеchakli yashil sahro esa bahor mavsumidagi ro’yi zamindir. O’zgarib turadigan pardalar, manzaralar esa bahor faslining boshidan yozning oхiriga qadar Sonе`i Qodiyri Zuljalolning, Fotiri Hakiymi Zuljamolning kamoli intizom ila almashtirgan va kamoli rahmat ila yangilagan va bir-biri orqasidan yuborgan mavjudoti bahoriya guruhlariga va masnu`oti sayfiya toifalariga hamda hayvon va insonning rizqlariga sabab bo’lguvchi taomlarga ishoradir.