Ham Sone`i Olamning nihoyat jamolda bo’lgan mukammal san`ati ustida diqqat nazarlarini jalb etmoq, namoyish qilmoq istashiga muqobil eng yuksak bir sado ila e`lonchilik etgan yana, shubhasiz u Zotdir.
Ham butun olamlarning Rabbi kasrat tabaqalarida vahdoniyatini e`lon etmoq istashiga muqobil tavhidning eng a`zamiy bir darajada butun tavhid martabalarini e`lon etgan yana albatta u Zotdir.
Ham, Sohibi Olamning nihoyat darajada asarlaridagi jamolning ishorasi ila nihoyatsiz husni zotiysini va jamolining mahosinini va husnining latifalarini oynalarda haqiqat va hikmat taqozosi o’laroq ko’rmoq va ko’rsatmoq istashiga muqobil eng porloq bir suratda oynadorlik qilgan va ko’rsatgan va sevib va boshqasiga sevdirgan yana shaksiz u Zotdir.
Ham, shu olam saroyining Sone`i g’oyat g’aroyib mo’`jizalari ila va g’oyat qiymatdor javohirlar ila to’la g’aybiy xazinalarini ko’rsatishni va namoyish etishni va ular orqali kamolotini ta`rif etmoq va bildirmoq istashiga muqobil eng a`zamiy bir tarzda ko’rsatuvchi va vasflarini aytuvchi va ta`rif etuvchi yana shaksiz u Zotdir.
Ham, shu koinotning Sone`i shu koinotni turli ajoyib narsalar va ziynatlar ila bezamoq suratida qilishi va idrokli maxluqlariga sayru tanazzuh va ibratu tafakkur uchun unga dohil etishi va hikmat taqozosi bo’lib ularga u asar va san`atlarining ma`nolarini, qiymatlarini tomosha va tafakkur ahliga bildirmoq istashiga muqobil eng a`zamiy bir suratda jin va insga, balki ruhoniylarga va maloikalarga ham Qur`oni Hakim vositasi ila rahbarlik qilgan, yana shaksiz u Zotdir.
Ham, shu koinotning Hokimi Hakiymi shu koinotning almashinishlaridagi maqsad va g’oyani o’z ichiga olgan mug’loq tilsimini va mavjudotning "Qayerdan? Qayerga? Va kim bo’lganlari?" bo’lgan shu uch mushkul savolning muammosini bir elchi vositasi ila umum idroklilarga ochtirmoq istashiga muqobil eng ochiq bir suratda va eng a`zamiy bir darajada Qur`on haqiqatlari vositasi ila u tilsimni ochgan va u muammoni hal qilgan, yana shaksiz u Zotdir.
Ham shu olamning Sone`i Zuljaloli barcha go’zal san`atli asarlari ila o’zini idrokli bo’lganlarga tanittirmoq va qiymatli ne`matlar ila o’zini ularga sevdirmog’i, albatta uning muqobilida idrokli bo’lganlarga marziyoti va Ilohiy orzularini bir elchi vositasi ila bildirishini istashiga muqobil, eng a`lo va eng komil bir tarzda Qur`on vositasi ila u marziyot va orzularni bayon etgan va keltirgan, yana shaksiz u Zotdir.
Ham, Rabbul Olamiyn olam mevasi bo’lgan insonga olamni ichiga oladigan keng bir iste`dot berganidan va bir kulliy ubudiyatga muhayyo etganidan va hissiyot nuqtai nazaridan kasratga va dunyoga mubtalo bo’lganidan bir rahbar vositasi ila yuzlarini kasratdan birlikka, foniydan boqiyga o’girmoq istashiga muqobil eng a`zamiy bir darajada, eng balig’ bir suratda Qur`on vositasi ila eng go’zal bir tarzda rahbarlik qilguvchi va risolat vazifasini eng mukammal bir ravishda bajo etuvchi, yana shaksiz u Zotdir.
Xullas, mavjudotning eng sharaflisi bo’lgan hayot sohiblari va hayot sohiblari ichida eng sharaflisi bo’lgan idrok sohiblari va idrok sohiblari ichida eng sharaflisi bo’lgan haqiqiy inson va haqiqiy insonlar ichida o’tgan vazifalarini eng a`zamiy darajada, eng mukammal bir suratda bajo keltirgan Zot, albatta u azim me`roj ila Qobi Qavsaynga chiqadigan, abadiy saodat eshigini qoqadigan, rahmat xazinasini ochadigan, iymonning g’aybiy haqiqatlarini ko’radigan yana U bo’ladi.